حوزه نیوز ایجنسی کی رپورٹ کے مطابق، حرم مطہر حضرت فاطمه معصومه قم سلام اللہ علیہا میں آنحضرت کی شہادت کے موقع پر، حرم کے بین الاقوامی دفتر شعبۂ اردو کی جانب سے دو روزہ مجالسِ عزاء کا اہتمام کیا گیا، جس سے پاکستان سے تشریف لائے مہمانانِ خصوصی حجت الاسلام سید شہنشاہ حسین نقوی نے خطاب کیا اور جناب سید علی صفدر رضوی نے نوحہ خوانی کی، جبکہ مولانا عسکری امام صاحب، جناب عوسجہ زیدی صاحب، جناب مرتضی نگری صاحب، جناب محمد بشارت امامی صاحب، مصطفیٰ تقوی و برادران نے بی بی معصومه سلام اللہ علیہا کے حضور نذرانہ عقیدت پیش کیا۔
یہ مجالس شبستان حضرت نجمہ خاتون صحن صاحب الزمان میں منعقد ہوئیں۔ دنیا کے مختلف ممالک سے آئے ہوئے زائرین اور خادمین کی کثیر تعداد نے ان مجالس میں شرکت کر کے پرسہ پیش کیا، جبکہ مجالس کے اختتام پر مؤمنین اور مؤمنات میں تبرک جناب سیدہ تقسیم کیا گیا۔
